تكفين يمه.. [خلي الباب مصكوك]

عضو جديد

قالت لي امي ياولدي شف [شبابك]
وارفق على نفسك ترا الناس شافوك

شافوك متغير وحاضر غيابك
ومتشتت فكرك وللهم [مملوك]

وقالت لي اسمع كنت احس بصوابك
ابكي دموعي هم واشكي على [ابوك ]

كنت ارتجي ظلك وماطر سحابك
ونسمة هواك اتشيل عن دربي [الشوك]

ارضى عذابي لجل اشتت عذابك
مابي تحس انك اذا طحت[ متروك]

عهد الطفولة كنت احضن ثيابك
لارحت تدرس وانتظرهم يردوك

واشرب بقايا مابقا من شرابك
لارحت مستعجل وخايف يخلوك

اساعدك تحفظ.. اجلد كتابك
[اضمك ] ان رديت متعب ومنهوك

اليوم ليش اليوم زاد اكتئابك
واللي يبونك.. من سواياك [عافوك ]

لاياولدي ارحم[ فؤاد] حيابك
لاتقطعه احزان. وجروح. وشكوك

قل لي علامك [قافل] اليوم بابك
عن ربعك وناسك كفا باب مصكوك

والناس اللي [تحرق لهم مابقابك]
مااظنهم كثر الذي فيك حبوك

ابسألك وانطر حبيبي جوابك
تدري بأن الناس [مافيوم حسوك]؟

امسح دموعك لايخيب الرجابك
منت الذي يضعف [وينهار ارجوك ]

واقفت... وانا ساكت وفكري متشابك
وجسمي كأنه بالسياجات [مشبوك ]

ناديتها d]يمه ].. ذبحني عتابك
تكفين يمه.. [خلي الباب مصكوك]

فديتك يا يمه ’

عضو نشيط

رآئـــــعه

وكلمات أروع وأحلى

تسلم أخوي .. ونتظر كل جديد منكـ و

عضو جديد

اللله يسلمك وان شاء الله بااااكر

تجيلك مووووضيع جديده وان شاءالله تكووون مممميزه مثلك ..

عضو نشيط

حــلوووووه مرآآ

يســلموووو

وننتظر كل ما هو حلو وجديد من قلمك الرآئع

عضو جديد

الله يسلمكـــ

عضو نشيط

صح لسانكـ يا أخوي

قصيدهـ رائــعهـ

يعطيكـ العافيهـ ،،،،،